Ya Mujhe Afsar-e-Shahana Banaya Hota – Bahadur Shah Zafar


ya mujhe afsar-e-shahana banaya hota,
ya mera taj gadayana banaya hota

khaksaari ke liye garche banaya tha mujhe,
kaaash sang-e-dar-e-jaanana banaya hota

nasha-e-ishq ka gar zarf diya tha mujh ko,
umr ka tang na paimana banaya hota

dil-e-sid chaak banaya to bala se lekin,
zulf-e-maskeen ka teri shaanah banaya hota

sufion ke jo na tha laeq-e-sohbat to mujhe,
qaabil-e-jalsa-e-rindaana banaya hota

tha jalana hii agar douri-e-saqi se mujhe,
to chiraag-e-dar-e-mai khana banaya hota

apna deewana banaya mujhe hota tune
kyun khiradmand banaya na banaya hota

sholaa-e-husn chaman mein na dikhaaya us ne
varanaa bulbul ko bhii parwana banayaa hota

roz maamura-e-duniya mein kharabi hain “zafar”,
aisi basti ko to veerana banaya hota!


Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.