Jo Rukey To Koh-e-Garan Thay Hum


Jo Rukay To - Faiz

Na ganwa’o navak-e-neemkash, dil-e-reza reza ganwa diya

jo bache hain sang samet lo, tan-e-daagh daagh lutaa diya

 

mere chaaragar ko naveed ho, saf-e-dushmana ko khabar karo

woh jo qarz rakhtay thay jaan par wo hisaab aaj chuka diya

 

karo kaj jabeen pe sar-e-kafan, mere qaatilon ko gumaan na ho

ke ghuroor-e-ishq ka baankpan, pas-e-marg hum ne bhula diya

 

udher ek harf ki kushtni, yahan laakh uzr tha guftni

jo kaha to sun ke urda diya, jo likha to parh ke mita diya

 

jo rukay to koh-e-garan thay hum, jo chalay to jan se guzar gaye

raah-e-yaar hum ne qadam qadam, tujhe yaadgaar bana diya

 

Faiz Ahmad Faiz


Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.